9

տարեկան ենք

9491

կազմակերպած տուր

37

տուրերի առաջարկ

5

գիդ-էքսկուրսավար


Տուր Հայաստանում


Ենոքավան - քայլարշավ Լաստիվեր

                    
Ենոքավան

Երևանից ուղևորվում ենք Ենոքավան գյուղ:
Քայլարշավի մասնակիցները Ենոքավան գյուղի վերին հատվածի հանգստյան գոտուց Խաչաղբյուր գետի երկայնքով շարժվում են դեպի ձորի ափերին տարածված անտառները:


Քայլարշավ Լաստիվեր

Լաստիվերը գտնվում է Տավուշի մարզում, Ենոքավան գյուղի ծայրամասում: Պետք է Տավուշի խիտ անտառներով իջնել Խաչաղբյուր գետի կիրճը, որտեղ էլ գտնվում է այդ թաքնված գանձը: Իսկ արահետի վերջում մեր առջև կբացվի Լաստիվերի ջրվեժի գեղեցիկ տեսարանը:

Հայոց հրաշագեղ բնության այս աննման անկյունը տեսնելու համար բազմաթիվ զբոսաշրջիկներ ինչպես արտերկրից, այնպես էլ Հայաստանից, ընտրելով տուր դեպի Լաստիվեր, այցելում են այս քարանձավ-անապատը: Ճանապարհն ինքնին անչափ հետաքրքիր է և գրավիչ հատկապես էքստրեմալ տուրիզմի սիրահարների համար:

Ենոքավանից դեպի Լաստիվեր քայլարշավի տևողությունը շատ երկար չէ՝ մոտ 1,5 ժամ:

Զբոսաշրջիկներն իրենց հանգիստը կարող են վայելել Լաստիվերի անտառային գեղատեսիլ բացատում, որտեղ ստեղծված է փայտյա հեքիաթային տնակների մի յուրօրինակ թանգարան: Այդ գեղեցիկ տնակները կառուցվել են Լաստիվեր զբոսավայրը այցելուների համար առավել գրավիչ դարձնելու համար: Ծառերի վրա կառուցված բազմաթիվ գեղեցիկ խրճիթները ծառայում են որպես գիշերակաց զբոսաշրջիկների համար:
Հետաքրքիր գաղափար է նաև տեղանքի տարբեր հատվածներում տեղադրված տարատեսակ կուժերի, գյուղական սպասքի ու կահկարասու առկայությունը:

Սակայն գլխավոր տեսարժան վայրը դեռ առջևում է: Շուտով մոտենում ենք քարանձավներին, որոնցից ամենամեծը կոչվում է Լաստիվեր Անապատ:

Քարանձավում, XIII-XIVդդ. մոնղոլական արշավանքների ժամանակ, իր ապաստանն էր գտել տեղի բնակչությունը:
Քարանձավը գտնվում է ձորի գրեթե ուղղաձիգ լանջի վրա: Նրան հասնելու համար մարդիկ ստիպված էին կառուցել աստիճան` մեկը մյուսի վրա շարված գերաններից: Կառույցը նմանվում էր լաստի, և այդ պատճառով քարանձավը մնաց ժողովրդի հիշողության մեջ «Լաստիվեր» անունով:
Մեկ այլ վարկածով՝ այստեղ բարձրացել են պարանով կապված փայտե հարթակի՝ լաստի միջոցով: Նստելով այդ տախտակին՝ քարանձավ բարձրացողը բղավել է. «Լաստն՝ ի վեր», այսինքն՝ լաստը բարձրացրեք դեպի վեր: Վերևից լսելով հրահանգը ու տեսնելով, որ կանչողը յուրային է՝ քաշել են պարանը դեպի քարանձավի մուտքը:

Բարենպաստ եղանակի դեպքում կարող եք լողալ Խաչաղբյուր գետում:

Ցանկացողները նաև կարող են ստանալ իրենց ադրենալինի չափաբաժինը` թռչելով ZipLine-ով Yell Extreme Park-ում: ZipLine-ի արժեքը 1 անձի համար 13 000դրամ է:

Յելլ Էքսթրիմ Պարկը հարակից է Ենոքավան գյուղին: Այն առաջին էքստրեմալ զվարճանքի վայրն է Հայաստանում, որտեղ հնարավորություն է ընձեռվում զբաղվել էքստրեմալ սպորտով՝ առանց պրոֆեսիոնալ լինելու անհրաժեշտության:

Հատուկ երթուղիները կառուցված են ծառերի վրա, իսկ մեկ ծառից մյուսը տեղափոխվելու ճանապարհին այցելուները ստիպված են լինում անցնել հատուկ ստեղծված փորձությունների միջով և հաղթահարել արհեստական խոչընդոտները, ինչպիսիք են, օրինակ, ցանցերը, պարանները, որոնք տեղադրված են հենց ծառերի վրա:


Եթե փնտրում եք քաղաքակրթությունից կտրված մի վայր, որտեղ միաժամանակ կլինեն անդնդախոր կիրճ և կուսական անտառ, լեռնային ջրվեժներ և խորհրդավոր քարանձավներ, գեղատեսիլ քարափներ և սառնորակ աղբյուրներ, ապա դուք անպայման պետք է այցելեք Լաստիվեր։


ՊԱՏՎԻՐԵԼ ԱՌԱՋԻԿԱ ԷՔՍԿՈՒՐՍԻԱՆ

ՈՒշադրություն
Տուրից առաջ կատարում ենք ջերմաչափում: 37,1℃ և բարձր ջերմությամբ մասնակիցներին արգելում ենք տրանսպորտ բարձրանալ:


Հղումով անցեք և իմացեք, թե ինչու՞ այս էքսկուրսիան ձեռք բերել մեր ընկերությունից: Ինչո՞վ ենք տարբերվում նմանատիպ առաջարկ տրամադրողներից:



🕑 Էքսկուրսիայի տևողությունը. 10-11 ժամ

🎢 Ընդհանուր անցնում ենք. 280 կմ


🌞 Էքսկուրսիայի սկիզբ. 08:00
🌙 Էքսկուրսիայի հավանական ավարտ. 18:00-19:00


👉 Մեկնարկի վայր. մ. Երիտասարդական, Ավ. Իսահակյանի արձանի դիմաց
👈 Ավարտի վայր. մ. Երիտասարդական, Ավ. Իսահակյանի արձանի դիմաց


☑ Էքսկուրսիայի գնի մեջ ներառված են.
🔳 հարկեր և տուրքեր,
🔳 տեղափոխում հարմարավետ ավտոբուսով և/կամ միկրոավտոբուսներով` ապահովված օդափոխիչով և հարմար թիկնաթոռներով,
🔳 խումբն ուղեկցող արհեստավարժ խմբավարի/էքսկուրսավարի ծառայություն,
🔳 հեռախոսահամար՝ տուրի ընթացքում կամ տուրից հետո գիդի և/կամ վարորդի աշխատանքից դժգոհելու կամ առաջարկությունների համար: Զանգ թողեք՝ ետ կզանգահարենք: Կապը տնօրենի հետ է,
🔳 ջերմաչափում (հեռավար),
🔳 Wi-Fi կապ,
🔳 շշով ջուր,
🔳 դիմակ,
🔳 ձեռնոց,
🔳 միանգամյա օգտագործման թաց անձեռոցիկներ (անսահմանափակ),
🔳 մեկանգամյա անհատական օգտագործման հերմետիկ փակվող պլաստիկ տոպրակ/անջրանցիկ պարկ թափոնների համար,
🔳 ալկոգել (անսահմանափակ):


☐ Էքսկուրսիայի գնի մեջ ներառված չեն. 
🔳 Լաստիվերի տաղավարներում թեյ-սուրճ հյուրասիրության վճարը. 1000 դրամ (ըստ ցանկության),
🔳 սնունդ (ներառվում է Հաճախորդի ցանկությամբ),
🔳 ապահովագրություն (ներառվում է Հաճախորդի ցանկությամբ):


💡 Խորհուրդ.
ՈՒնեցեք սնունդ, ջուր, մեկանգամյա սպասք, քայլարշավին հարմար հագուստ և կոշիկներ, արևապաշտպան միջոցներ (գլխարկ, ակնոց, քսուք), արևից պաշտպանող փակ հագուստ, ուսապարկ:


🕝 Ե՞րբ է կազմակերպվում.
• Այս տուրը խմբային կազմակերպվում է հանգստյան օրերին 16 (կամ ավել) մասնակիցների համար։
• Այս տուրը խմբային կազմակերպվում է ամեն օր նույն "համայնքի" (կոլեկտիվի անդամներ, ընտանիքներ, աշակերտներ, ուսանողներ, հյուրեր արտասահմանից) անդամների համար:
• Այս տուրն անհատական կազմակերպվում է ամեն օր:


🚐 Ի՞նչ ավտոմեքենայով.
• Խմբային տուրը կազմակերպվում է Mercedes Sprinter 17 (կամ ավել) նստատեղերով ավտոմեքենայով:

• Անհատական տուրը կազմակերպվում է Հաճախորդի ընտրած ավտոմեքենայով: Տուրը սկսվում և ավարտվում է Երևանում՝ Հաճախորդին հարմար ցանկացած վայրից:
Կարող եք ընտրել նաև սեփական երթուղին: Կկազմակերպենք տուրը:


💰 Գինը.
• խմբերի դեպքում.
1 անձը՝ 5 800 դրամ:

🐣 Մինչև 5 տարեկան 1 երեխայի համար տուրն անվճար է: Երկրորդ երեխայի համար նախատեսված է 50% զեղչ:
🐤 6-ից 10 տարեկան 1 երեխայի համար նախատեսված է 50% զեղչ:

• Անհատական էքսկուրսիայի գինը ճշտեք՝ զանգահարելով 033 121 033 (Beeline): Կամ մեզ զանգ թողեք՝ ետ կզանգահարենք:


📝 Պայմանները.
Հրապարակային օֆերտա


ՊԱՏՎԻՐԵԼ ԱՌԱՋԻԿԱ ԷՔՍԿՈՒՐՍԻԱՆ


Այս նյութը տարածի'ր սոց. ցանցերում



Բաժանորդագրություն







  Սեղմեք թարմացնելու համար